لوحات للمحلات استفسار بسيط

[Norh.M]

السلام عليكم ورحمة الله وبركاته

عندي استفسار بسيط لي الكثير من اعمال الفوتوشوب وعندي الخبره الكافيه فيه
لكن في الاخير اتجهت لتصميم الاعلانات واللوحات للمحلات والمكاتب
كانت تجارب بسيطة ومتواضعة لكن احب احترف فيها

كيف استخدم برنامج الفوتوشوب في تنفيذ اعمال اللوحات بشكل ممتاز
وكيف لو صممتها اني اوديها لمحل مثلا وينسخها او يرسمها او كيف ؟
لاني ماعندي خبرة عن كيفية تصميم اللوحات للشركات وغيرها
ابي المقاسات الاحترافيه
وطريقة الحفظ وبأي صيغة واذا فيه برنامج غير الفوتوشوب
يبسط علي الامر اكون شاكره لكم
اتمنى الرد خاصة من فريق بردستايل :)

[BRD]

السلام عليكم

اختي الامر بسيط

طبعا تقدرين تستخدمين الفوتوشوب

لكن الافضل في اللوحات التعريفية " المقصود فيها لوحات المحلات مو شي ثاني " انها تكون ببرنامج الاليستيتور

الاليستيتور يساعدك لانه فيه ميزه وهي انه يحول كل الخطوط او الرسومات الى اوت لاين وراح تساعد محلات الخطاطين في انتاج اللوحات بشكل افضل واسرع.

نرجع للفوتوتوشوب

طبعا راح يكون عملك او تصميمك للطباعه بمسمى يتعاملون فيه في المطابع اسمه "طباعة outdoor"
المقصوط بالاوت دور هو للناظر البعيد ومعناها :

ان اللي يقرب من اللوحه احتمال يشوف فيها رتوش او عدم وضوح لكن هذا غير مهم لان اللوحة اساسا ما وضعت للناظر القريب ... يعني راح تتعلق فوق المحل فمستحيل الواحد يشوفها من قريب

المقاسات :
طبعا بما انك راح تسوين لوحات للمحلات معناها شغلك بالامتار طبعا الفوتوشوب ما يوفر لك الا السنتميمتر
وفي مشكله هنا راح تواجهينها :

فرضنا انك تبين تصممين لوحة مقاس عرض 4 متر وطول 3 متر معناها عرض 400سم وطول 300سم
بديهيا راح تحطين الدقه 300pt بتشوفين الفوتوشوب ما يسمح لك بالارقام هذي

الحل؟
الحل بسيط خلك على الارقام هذي:
العرض 400سم
الطول 300 سم
الدقه من 35 الى 70 pt

بتقولين لي الدقه ضعيفه مره ... بقول لك توني شرحت لك قبل شوي اسمها طباعة اوت دور يعني اللي من بعيد راح يقراها تمام التمام :)

طيب الان خلصتي العمل وسويته تقولين وش اسوي

تحطين العمل على سي دي طبعا مفتوح الطبقات وتودينه لمحلات الدعايا والاعلان وياكثرها
تعطينه السي دي وتقولين له المقاسات وتقولين له طباعة اوت دور :)

وهو راح يتكفل بالباقي

اتمنى اكون افدتك

واي استفسار اخر انا في الخدمة

تحية طيبة

[Norh.M]

مرحبا أخوي برد
مدري كيف أشكرك فيه نقاط كثيرة أتضحت لي من خلال ردك وشرحك
الاكثر من رائع ..
برنامج الاليستيتور ماسبق لي اني اجربه بحاول احمله واشوف فكرته ..

الفوتوشوب سبق لي وصممت لوحة لمشغل نسائي فيها رسمة
بس لما ودتها صديقتي لمحل الدعاية والاعلان قال راح نطبعها لكن الرسمة راح
تختلف شوي على الرغم من انها اول بداية لي .. فكنسلت الشغلة كلها
وقلت خلني اتعلم اكثر ويكون عندي خبرة كافية بعدها أوافق على العروض
لان ماحب شغلي يكون فيه نقص او خلل .. اللي استغربته شركة دعاية ليش
تقول ان الرسمة بتختلف ؟ الخلل من عندي او من عندهم ؟؟
اذا طباعة ماتوقع ان المفروض يتغير فيها شي ؟
يعني لو أبي أصمم لوحة لمكتب عقاري أو محل تجاري أو محطة بنزين :D
بيكون فيها ألوان وممكن رسمة أو شعار ؟ هل بكل مره أسوي رسمة أو شعار
بيقولون لي راح يختلف ؟ يمكن قصدهم نفس ماقصدت انت أنها بيصير فيها رتوش ؟
هذا سؤالي وأتمنى تفيدني
الدقه من 35 الى 70 pt

بتقولين لي الدقه ضعيفه مره ... بقول لك توني شرحت لك قبل شوي اسمها طباعة اوت دور يعني اللي من بعيد راح يقراها تمام التمام
صح الدقة ضعيفة وأكيد أنك على حق انها ماراح تبين
قبل فترة صممت كرت شخصي وطلبوا علشان الطباعة تكون الدقة 300
بس الكرت الشخصي بيكون فيه واضح الرتوش او الوضوح علشان كذا طلبوا
الدقه عالية ..

الله يعطيك العافية أستفدت الكثير من خلال تصفحي للموقع
وبإذن الله راح أستفيد أكثر مع التواجد .. فكرة الموقع أعجبتني
ستايل ومضمون وبالتوفيق إن شاء الله ..أي إستفسار أحتاجه راح أرجع
هنا وأسأل :)

ألف شكر :)

[BRD]

حياك الله اختي في اي وقت

بالنسبه لكلام محل الدعاية والاعلان بالظبط هذا اللي قصدته انا بطباعة الاوت دور

ايضا لازم تلاحظين حاجه مهمه جدا .... لما تجين تصممين مطبوعات لازم يكون مود التصميم CMYK

اذا ما جربتي قبل المود هذا ما تلاحظين ان اعمالك بعد الطباعه الوانها تختلف قليلا؟

السبب هذا المود

المطابع ومحلات الدعاية والاعلان تتعامل مع المود هذا CMYK ايضا زي ما قلت لك لازم تحددين نوع الطباعة اوت دور وان دور
اوت دور = طباعات كبيرة الحجم مثل اللوحات مثل الرول اب ... الخ الخ
ان دور = مطبوعات a4 مطويات كروبت شخصية .... الخ الخ

بالعربي الاوت دور للطباعات البعيده عن العين ودائما الدقه فيها بين 35 الى 75
الان دور للطباعات القريبه من العين اللي تنمسك في اليد يعني ودائما الدقه 250 وفوق والافضل 300

اعتقد ان المحل كان قصده اما اختلاف الالوان او اختلاف الدقه ووضحت لك كيف تعالجين هالامور

واذا ممكن تعرضين لنا شي من اعمالك :)

نفيدك ونستفيد منك

تحية طيبه

[BRD]

عفوا اختي نوره

كنت اراجع الموضوع

في غلطه بسيطه

انا كنت قصد طباعة اوت دور وليس اوت لاين :)

outdoor print

الاوت لاين يستخدم ساسا لتصدير الطباعات علشان ما تفقد الخطو جودتها او قيمتها لان احتمال تكون مو موجوده عند المطبعه نفس الخط فيعملون لها تصدير اوت لاين :)

اما الطباعة الي تبينها انتي اسمها اوت دور

اعتذر مره اخرى على الغلط

تحية طيبه